Sama gamla tuggan...

Þá hef ég kvatt árið 2012, ekki með miklum söknuði þó. Ég er bjartsýn á nýja árið og hef að sjálfsögðu sett mér áramótaheit.... ég strengdi þau þó ekki fyrr en rétt í þessu þar sem ég var of löt í fríinu fyrir austan til að taka nokkrar ákvarðanir.
Ég varð að sjálfsögðu líka að líta til þeirra markmiða sem ég setti mér fyrir árið 2012 og bíta í það súra epli að ég náði ENGU þeirra! Hins vegar neita ég að gefast upp og held í trúnna um það að með örlítið meiri excel æfingum takist mér að gera sjálfri mér grein fyrir hversu mikið það er sem ég þarf að leggja á mig til að ná þessum markmiðum í ár, til dæmis með að búta þau frekar niður í excel og nota niðurtalningakerfi á vikur ársins. ÞAÐ MÁ ALLTAF REYNA!

Það verður þó ekki sagt að sum áramótaheitin hafi ekki hvatt mig til athafna þó ég hafi ekki alveg náð þeim. Ég setti mér það markmið að lesa 5 bækur á árinu og náði að lesa 3. Það er 2,5 meira en árið 2011 (ef skólabækur eru ekki taldar með). Þannig kláraði ég skáldsöguna Good in bed (átti hálfa bókina eftir um síðustu áramót), las bók Evu Hauksdóttur Ekki lita út fyrir (sjálfshjálparbók með verkefnum ;)), bókina Ómunatíð - saga af geðveiki eftir Styrmi Gunnarsson sem fjallar um rúmlega 40 ára baráttu konu hans við geðhvarfasýki og er hálfnuð með skáldsöguna Heimsins heimskasti pabbi eftir Mikael Torfa. Þetta áramótaheit virkaði því hvetjandi á mig þó því hafi ekki verið náð.

Hvað varðar þau 6 lög og 7 ljóð sem ég ætlaði að semja á árinu varð árangurinn 0! Ég hef því ákveðið að flytja lagamarkmiðið áfram óbreytt en hækka fjölda ljóða á milli ára (því 7 ljóð er ekki neitt - kannski ekki nógu háleitt markmið bara... ég ætla að trúa því að þess vegna hafi það klikkað).

Hvað varðar kílóin þá var ég 400 gr. léttari 31. des 2012 heldur en ég var þann 2. janúar. Það er ekki merkilegt... en miðað við öll skrefin sem fóru í ranga átt hvað þetta varðar í vor og sumar er ég fegin að hafa allavega ekki verið þyngri en ég var í janúar.

Áramótaheit ársins 2013, sett upp í excel og með mjög mikilli sundurliðun!

Svo við skulum bara enda þetta á, gangi mér vel í þetta sinn! 
Þetta er í þriðja sinn sem ég strengi áramótaheit og allt er þegar þrennt er!

Meistaramánuður... ?

Af því ég er alltaf svo gífurlega fljót að fatta þá áttaði ég mig á því þann 1. október að þessi svokallaði meistaramánuður væri að hefjast þegar Facebookið mitt fylltist af allskonar statusum og myndum af plönum fólks fyrir mánuðinn. Ég var að sjálfsögðu svolitla stund að velta fyrir mér hversu tilgangslaust það væri fyrir mig að taka þátt í einhverju svona, ég set mér nú þegar vikuleg markmið og áramótaheit... og stenst yfirleitt ekki neitt af þessu. Mér fannst þetta þess vegna bara eitt enn tækifærið til að sanna fyrir sjálfri mér hvað ég væri góð í að ofplana tíma minn. Sem efasemdamanneskja að eðlisfari varð þetta dágóð barátta sem ég þurfti að etja við sjálfa mig en að kvöldi dags 1. október ákvað ég að hætta þessari þrjósku og láta á þetta reyna.
Þarna sá ég leik á borði til að reyna að ýta undir það að klára þau áramótaheit sem ég hafði sett mér síðastliðin áramót og hef lítið sem ekkert unnið í síðan.
Ég setti dæmið að sjálfsögðu upp í excel, og reiknaði hversu mikið ég þyrfti að gera á viku til þess að ná áramótaheitunum mínum. Þetta hafði ég reyndar sett upp um miðjan september en ekki séð mikinn hvata í því að standa við þetta. Ég ákvað því að nýta hópsálina í mér og taka þátt í meistaramánuðinum og auka þannig líkurnar á að ná einu sinni áramótaheitunum.

Excelskjalið góða miðað við þessa viku

Ég bætti síðan við fleiri þáttum í markmiðin mín sem enduðu svona:

1. Bækur: Klára að lesa Ekki lita út fyrir eftir Evu Hauks, markmiðið er að klára hana núna um helgina. Velja aðra bók og klára í þessum mánuði.
2. Atvinnumál. 
3. Matarræði: Borða 5-6 sinnum á dag, litla skammta. Leyfa sér lítið af sætindum og reyna að missa 2 kg í þessum mánuði. Mér hefur gengið mjög vel í vikunni en sjáum til hvað stendur eftir þegar sumarbústaðarferðinni sem ég er að fara í lýkur á sunnudaginn.
4. Hreyfing: Æfa Pole fit minnst þrisvar í viku og önnur hreyfing minnst tvisvar í viku.
5. Söngur: Var að byrja á söngnámskeiði í síðustu viku sem krefst heimaæfinga. Stefni á að æfa mig heima í 3 klst á viku, mæta í alla söngtíma og það á RÉTTUM tíma :)
6. Sköpun: Semja 1 lag í mánuðinum, 1 ljóð og blogga einu sinnum í viku.
7. Útlit: Sinna sjálfri mér vel með litun, plokkun, vaxi, líkamsskrúbb, maski og fleira sem gerir mann glaðann í sálinni. Ég er líka að prófa að fara í Trimmform í Trimmformi Berglindar. Fór í prufutímann í morgun og það var mjög athyglisvert. Aulanum í mér þótti mjög fyndið þegar að ein blaðkan var sett á fótinn þannig að hún hitti á einhverja taug sem gerði það að verkum að í hvert sinn sem straumurinn kom skaust fóturinn upp í loftið. Núna er ég bara rosa þreytt í rasskinnunum og efst á kviðnum.

Hingað til hef ég staðist öll plön sem ég hef gert þessa 4 daga, þrátt fyrir að dagarnir hafi verið svolítið pakkaðir :) Þetta er ótrúlega gaman og gefur manni mikið að standast eigin plön og markmið.

To be continued....

5 afmælisóskir...

Barnið í okkur kemur fram við ólík tilefni. Ég er ein af þeim sem hlakkar enn óstjórnlega til þess að eiga afmæli, jafnvel þó ég viti jafnvel að dagurinn muni ekki vera svo frábrugðinn öðrum dögum. Spennan í ár er enn meiri en venjulega þar sem afmælisdagurinn er á laugardegi.
Mig langaði því að því tilefni að setja fram 5 afmælisóskir, þó ég viti vissulega að ég sé að verða 26 ára og eigi því ekki von á pakkaflóði eins og þegar ég var barn. Það er nauðsynlegt að leyfa sér að dreyma endrum og sinnum :)
Óskirnar eru ekki settar fram í röð eftir því hversu mikilvægar þær eru mér.

1. Háhælaðir strigaskór.
 Ég er búin að slefa yfir þessari hugmynd síðan í vor en hef enn ekki tímt að fjárfesta í þeim og ekki fóru þeir á útsölu núna í haust.

 

asos.com

skor.is

2. Upplifun

Ég hef alltaf verið mjög hrifin af því að gefa "upplifun" í gjafir. Oft er um að ræða skemmtun eða afþreyingu sem maður leyfir sér ekki sjálfur þó mann langi það. Sem dæmi um þetta er ég til dæmis að fara á tónleikana hennar Andreu Gylfa í Hörpu á afmælisdaginn sjálfan í boði Sindra :)

 

oskaskrin.is - algjör snilld þegar gefa á upplifun að gjöf

 

Leikhúsmiðar hitta alltaf í mark - hjá mér allavega :)

 

Að fá dekur að gjöf er yndislegt... og oft hefur maður meira gott af því en mann hefði órað fyrir

 Bíkort fyrir viðskiptavini NOVA er snilldargjöf - og er í raun góð búbót fyrir bíósjúklinga.

3. Skór, meiri skó, meiri skó

Þessir eru líka einstaklega fallegir og fást í Maníu

4. MATUR ! :)

Eftir að ég kynntist Sindra hefur sælkerinn í mér náð nýjum hæðum. Ég elska að prófa ný veitingahús eða smakka nýjan mat hér heima sem ég hef aldrei smakkað áður. Eins fannst mér geðveikt að upplifa allan nýja varninginn sem ég kynntist í Danmörku í sumar, allt frá kirsuberjaafurðum í lakkríssúkkulaði sem var sjúkt. Á afmælisdaginn minn, fyrir tónleika, fæ ég að velja hvað verður í matinn... og Sindri ætlar að elda það handa mér. Heimagert gúmmelaði í gjafakörfu er frábær gjöf!... en líka keypt gúmmelaði :)

 

Gjafakarfa - matur og vín

 

Gjafakort á einhvern góðan, sérstakan stað... og muna að þeir fínustu eru ekki alltaf bestir

 

Ég elska sushi - og var að missa af þessu tilboði á Hópkaup.. en þar er fínt að versla jólagjafirnar :)

5. Nýja skvísulega leðurhanska með fóðri.

Nú er bara að bíða eftir afmæliskökunni með kertinu svo maður geti lokað augunum og óskað sér :)

Loforð um betrumbætur

Vá.... trúi því varla að það sé að verða mánuður síðan ég bloggaði síðast. Tíminn líður alltof hratt. Ég var í vikuferðalagi í Danmörku, kom heim á fimmtudaginn, en mér finnst ég hafa komið þeirri ferð svo ansi vel frá mér í statusum og myndum á Facebook að ég hugsa að ég muni ekki nenna að blogga um það líka.

Ég lofa hins vegar bloggi í vikunni sem verður reyndar með ansi þéttri dagskrá þar sem á laugardaginn næsta er uppskeruhátíð Pole Sport í Skipholtinu og æfingar fyrir það verða nokkrar í vikunni. Svo er brennómót Arion banka á þriðjudaginn þar sem ég ætla mér að sjálfsögðu stóra hluti og svo voru tvær góðar vinkonur að útskrifast með mastergráðu en því skal fagna á þriðjudagskvöld. Ég sé ekki fram á að geta horft á blessaðan fyrsta þáttinn af Pretty little liars sem ég náði í í upphafi þessa mánaðar fyrr en í haust bara.

Á sunnudaginn eftir viku ætla ég síðan að standa aftur í Kolaportinu og selja alla þá hluti sem Sindra fannst við ekki þurfa að eiga lengur...

Þið sem bíðið óþolinmóð eftir bloggi og langar að lesa eitthvað sérstaklega eftir mig... þá bendi ég hér með á gestafærslu sem ég skrifaði á matviss.com og hvet ykkur til að drepa tímann með að útbúa þetta gómsæta humarsalat. http://matviss.com/2012/06/13/humarsalat-og-hvitlauksbraud/

Þangað til næst.... stöndum saman og hjálpum þeim sem hafa brauðfætur... eða sofna hér og þar :)